علشان إلي ما بعرف يعرف ولي عندوا صعوبة في فهم بعض ألغاز إلي في الأردن يفهم شو بنحكى معاه
دواوين يعني جينجستا
وسوف اعطيكم المفيد
مصطلحات اردنية للدواوين
انا حاط إبليس بكيس وقاعد محله:تعني احذر انا شب ديونجي
اطلع من راسي وسكر الباب:روح من وجهي
عراسي كزدره:انا بحبك دندره
الدنيا قالبه ليخه:مافي مسؤول
مهبره:تقال للحفله الفايعه
شاب نغش :تقال للشب المستخف دمه
ماكل مناغيش على الصبح:تقال للشب الي مفكر حاله نغش
بتلعب بعداد عمرك:تقال للشاب النافش ريشه
عمرك شفت راسك عصدر منسف:تقال للشب البتفلسف
خاروف :تقال للشاب الذي يدفع الحساب عن الشباب والبنات
شب بتهواله بقشره بزر:تقال للشب الي بعصب بسرعه
شحدنا الملح :تقال عند حاله الطفر
شب منشف ريق البنات :من كتر ما بنتف عليه
وضعي متضعضع :تقال للحالة الغير مستقره
جلس وأعطي لمعه :تقال للشاب الي قال نكته بايخه
اختصر وقسم على عشره :تقال لشاب عامل حاله غشيم
روق يا برقوق :تقال للبنت المعصبه
وشرفي بريح أمك من غسيل اواعيك :تقال في فترة الاستعداد لطوشه
بسوي منك عشره صغار وبصيرو يدورو على بعض:تقال عند انتهاء الهوشه والناس بتفزع
احه:تقال قبل الطوشه وقبل تسديد الضربه الاولى بثواني
بسلم عليك سعد الصغير:بحبك يا حمار
رخويات:الاناث
بنت طقع:بنت وجها وجسمها متناسق
بنت ابتشلق:بنت جميله جدا
حافية القدمين:بنت بتسمع لكاظم الساهر
بنت عوايه :بنت قبيحه
بنت بكسه :بنت وجهها وجسمها غير متناسق
بنت شوال:جسمها مش راكب على وجهها
بنت جمل :بنت ذات قامه طويله
بنت لوح زجاج :بنت نحيفه جدا
بنت توتي فروتي :بنت دلوعه
بنت عدادها قالب :بتحكي مع مليون شب
بنت الها على اللون:بنت داهيه
إذا شمطك كف بعمل منك عشرة : حاله تهديد قبل الطوشة
الولد قطايف : النغاشة منوا بتقطر
جاي يعرج في حارة المكرسحين :بتنحكا لواحد كذب كذبه وبدوا يمشيها على الشبااب
(حرايق على الرايق) »»»» هاي بتنحكا لما صاحبو بيسئلو شو الوضع
(ما تئتلنا بالغبره) »»»» لما واحد بيحكي نكته ئديمه
(اطعج يا بكرج)»»» لما بيعجبو شي على الاخر
(فاخر على الاخر)»»» هاي بيحكوها لما بشوفو بنوته حلوه
(شو هالطعجه يا نعجه) »»»» باينه من عنوانه مو محتاجه تفسير
(الزلمه هادا الي هناك نزامو سلامتك ما احلا بجامتك)»»»» هاي لما بيشوفو واحد اهبل
(خليكـ في كروزكـ لما نعوزكـ)»»»» هاي لما بتكون طفشان من حدا
(اركز يا كلكز)»»»» لما بيكون واحد مشاغب كتير
(الصياعه ادب مش هز كتاف)»»» انو انت ما الك بالصياعه هاي بدها محترفين يا عمي
(ئنعر يا ئنعر) »»»» لما بتشوف وحده بتطعوج بالشارع وشايفه حالها
( ميل يا برمين ) »»» لما بتمر وحده وما بتكونـ عاطيه وج للشب
( علي راسي كزدره ) لما بيكونو شلة شباب اعدين مع بعض وواحد فيهم بيمدح في التاني
( علي راسي صرمحه ) »»» لوووول هاي البنات بيحكوها او ( علي راسي صرمحه فوق السشوار )
( عطيني علي طوحيني ) »»»» لما بتكون في خناقه " هوشه "وواحد من الشباب بيبلش يحكي بس علي تقيل شوي
( مساك يا مسواكـ ) »»» بتنحكي في المسا لما بتكون بتحكي مع واحد ومش طايقو
فكح
ومعناه مزط او هرب
تلولحي يا دالية
تقال للشخص النحيف جدا وبترخرخ لدرجة الهبل
حادي عن الراس واذرب
بلهجة اهل اربد والمعنى وفي مقوله اخرى حيد عن الراس واذرب
وتقال في الطوش او الخناقات انه يعني ما تعمل عمل كبير تندم عليه
ولكان حاول توجع بشكل غير مباشر
يعني لا تضرب واحد على راسه تنبلي فيه
إحفظ هالّلطش
يقولها من أدى خدمة لحدا ومحملوا جميلة عليها
طقع - بكسر القاف
يقال انها كلمة دخيلة وأصبحت متداولة ومنشؤها الزرقا(مجمع الباصات ) وبالأخص من شوفيرية السرافيس الكوستر وتعني اشي روعة ومنيح جثير
فايـع/ فايـعة
وتقال للبنت والولد اللي ماشيين عل الموظة أو على حل شعرهم أو شايفين حالهم - للتوضيح يعني من مناطق عمان الغربية وبالأخص عبدون وأخواتها
هاك
يعني خذ او القف.. بس من غير نفس
بتتخوث يا ملوّث
تقال لمن يحاول أن يخفف دمه وبتهبّل وهو فيش أزنخ من دمّو
يلعن روما
مشرّت - بكسر الرا وفتح الشين
تقال عادة للظاربة فيوزاته او ولا حبة
الطنجير
يقال انها من اصل طنجرة وتقال للشخص اللي مثل اللوح ومش عارف وين الله حاطّه
الشنتير
تقال للشخص اللي حجمه كبير وعالفاظي
فستق فاظي
تقال للشخص اللي بحكي كتير وما بعمل اشي
سحنة
معناها ملامح وجه الواحد ... ويا محلا هالسحن
يسنحك
معناها يسبعك بالأردني او انك سيئ التصرف
كزدر
وتستعمل في المناطق الأقل حظا
منغنغ- الله يطعمنا
معناها معاه فلوس كثيرة وجيبته مليانة
مصاري
(( :مصطلحات أردنية )
شو بدك بطول السولافة**
جملة محشورة داخل قصة يزيد عدد كلماتها عن 100000000كلمة
شايف علي**
تقال عندما يكون المستمع طبلا أجوف ولا يعرف رأسه من رجليه.
صلي على النبي**
استراحة لكثير الكلام ليبلع ريقه.
وما كذبت خبر**
عبارة لنفش العضلات وبداية لكذبة ورسم بطولات ما حصلت الابالخيال
انت بعدك ما بتعرفني**
تقال عندما يشعر المتكلم انه تبهدل وانمسحت بكرامته الارض
نشفت دمي**
تقال للذي يطلب كل دقيقة اعادة نفس الجملة بطريقة مختلفة
الله يستر على خلقه**
تقال بعد نهاية كل قصة تم فيها نشر قصص لا تقال لمواطن اومجموعة من المواطنين
الخميس سبتمبر 29, 2011 11:43 pm من طرف 
